今日有點不開心。 話說，我一直都在fb的情緒病群組，既是觀察及資料搜集，有時剛好緣份到，也會講兩句。今日見到有個人，佢狀況跟我以前，以及我處理過的個案有點像，見到對方話試過好多方法都唔得，甚至懷疑自己撞鬼。 於是，就同佢講兩句，之後我就pm佢我係做靈性服務的，Share之前既case比佢睇，並講明如果佢試過其他方法唔得，有興趣可以參考一下。 佢答我無興趣，於是我就無再提及靈性服務部份，只係分享我自己以前點樣去處理自己狀況比佢參考，例如點樣轉念，點樣放輕鬆，希望可以幫到佢。 佢問我，可唔可以交換電話，佢有需要時可以搵我傾，我直接答佢，因為始終這是我的專業，我都要對我其他個案公平，所以會係收費服務，或者佢可以呢幾日落市集搵我，冇客時我可以同佢吹幾句。 係佢未答我時，我忽然想起，鍾馗爺爺的頸鏈可能可以好快咁幫到佢，於是我同佢講，我可以比佢免費試一星期（因為我都想測試爺爺頸鏈可以幫到去邊個位）,佢唔0岩可以比返我便可。 跟住佢直接答左我一句：請不要再sell我。 其實，我本意真係只係想幫人，但無奈卻令人誤會。更無奈是，明明我諗到方法，但，無法說服正在困境的人去嘗試。 總結： 好人難做