(tldr)我在北美看的那兩場電影 《我談的那場戀愛》好睇 以為單純睇網上情緣編局 原來係參與Veronica嘅療癒之旅 札幌橋下有幕呼應返「大家幾時開始一齊得唔開心」嘅問題 係長關係可能會陷入嘅僵局 其實依然有愛 只係唔記得當初令對方發笑嘅點滴 鍾意結局簡單交代大家記得約定 唔需要對白、上前相認咁老土 默默祝福對方就夠 願你安好，願我也安好 《破。地獄》 劇情上有好多發展空間 可能拍落好多劇情 但受電影長度所限 剪得有啲零碎 未陷入到情緒就好快轉咗場景 有啲可惜 如果係拍影集形式 逐個單元講故事 人物就可以寫得深入啲 用同配角嘅互動鋪排返主角性格變化 相信會好睇好多 同時都諗導演另外48個cut收埋咗啲咩 想睇無咁有希望嘅版本 睇嘅過程好平靜 無預期嘅決堤痛哭 點知夜晚又發返幾年嚟出現過不下50次嘅夢境 曾經有跑樓梯逃走、樓下大門轉咗密碼上唔到樓，上到去唔敢敲門等等場景 但今次多咗個類似道生嘅女人歡迎我入屋坐 叫我無嘢做可以上去探下佢 最後喺夢入面哭咗 諗返依刻嘅平靜都係多年來不斷破自己地獄嘅結果 而今次第50 cut 係我最好嘅結局