我真係就黎頂唔順，話說我同其他housemate去左個聖誕party（因為我哋有common friend），然後有個人無啦啦發神經係度囉返之前嘅爭執黎講，然後係度鬧第二個人，我當時已經覺得好尷尬，好想走人，點知佢突然將個矛頭指向我度，我即刻忍唔住知道自己情緒唔對路想走，行入左其中一間客房冷靜（個陣我已經唔知點樣再行返出去，我覺得好醜）。佢中間行左入黎，以為佢會同我承認話知自己頭先係佢唔應該，會講sorry。但係佢一入黎就係講話自己真係好嬲，睇我唔順眼定點，就鬧我，要我理解佢感受。痴線，成件事你都知你自己失控，係party上面無啦啦鬧人，然後要我理解你。本身我都想嘗試當無件事咁出去join返個party，但我真係覺得好大壓力，好似要逼自己又一個委屈嘅情緒轉返去正常開心咁同人party，我坐底左無幾耐就離開左。我好似真係開始卑人哋逼到癲，而且我本身就有社交恐懼症，經過哩次之後我好似更加唔想去參加入任何社交活動。。。。。好後悔決定同啲housemate去，根本就唔應該同佢哋有任何瓜葛。