臨近年尾都講全年十大，除咗新聞回顧外，電台頒獎禮又走哂出嚟宣傳，網上都好多人討論，咩咩最喜愛咩咩10大之類 咁多年佢哋都以10呢個數字去介定每年所謂最佳，當然以前都聽過某啲頒獎禮出現多過10例如11，12甚至更大數字出現，解釋因為幾首歌咁啱同分嗰啲低能呃人招數。一切咪又係商業/金錢遊戲，只係一場show 講起10大，記得以前會追開買「音樂殖民地雙週刊」嚟睇，裡面有個專欄專門刊登一啲樂迷讀者心目中10大最愛專輯，我自己都有寄信去分享過當年我嘅10大最愛 當年寫咗邊10隻吾完全記得了，但記得排第一位總會係Wish you were here，第二位嘅Selling England by the pound，嗰陣熱愛前衞搖滾嘛，自然地In the count of the Crimson King都會有份上榜，同埋第十位好似係A night at the opera？！ 世界咁多新專輯一路出世，依家㨂一定吾會同以前一樣，一定吾只10大咁小，我都要㨂返十幾廿隻先得，最起碼呢個廿佳絕對吾會呃自己 仲有，習慣鍾意成張專輯由頭到尾聽，齋聽單曲一啲都吾過癮，亦好似吾太尊重咁 聖誕快樂！