每年Team嘅Christmas Party嘅Theme都唔同，今年勁搞笑係十二篇範文，見唔少同學可能聖誕假都係要攞嚟預備考試，分享吓中三同學應該未學嘅，《勸學》入面隻馬嘅故事。 我雖然買套衫係寫住西部牛仔，但其實係想扮隻馬。勸學入面有兩隻馬，一隻好有天份，但係心浮氣躁，急於求成，最後跳得幾遠，都難成大器。相反一隻天生跑得慢嘅駑馬，雖然關節風濕，但佢功在不捨，係咁一路向前行，一步一腳印，slow but steady，最後可以行咗好遠好遠嘅路。成長嘅時候，作為一個somewhat gifted嘅人，長大後最深刻感受到嘅係，天才係very very overrated。Effort同consistency先係真正令人行得遠嘅利器。而嗰啲睇起上嚟毫不費力嘅「天才」，背後付出咗嘅努力，我哋好多時都因為妒忌心選擇視而不見。人總會有嘅，想放棄一切嘅時候，但要自己同自己講，功在不捨。 深耕細作，時雨會來。你最後一定會實現你嘅願望。正如我筆記寫，「你心若有燎原之火，我願成為你綻放的風。」 2025，燒遍整個荒野。聖誕節快樂！