跟風玩 居英第二年嘅生活改變： 1) 病咗就請病假！留返屋企休息 2) 講有關性別、種族、性工作等等嘅話題都會小心咗字眼 3) 學識咗講美式口音嘅我、如何講"cheers"——將個"r"音放平唔發聲，就可以無違和感融入到句子 4) 兩年嘅時間令我適應咗冬天，三四件衫就可以頂到冬天，記得初初嚟我著咗九件 5) 會主動慶祝啲香港華人傳統節日，例如中秋、做冬、農曆新年等等 6) 啲嘢食唔會去密封，因為呢度都無曱甴 7) 唔會再睇低啲勞動工作，以前覺得一定要坐office否則浪費咗我個degree，而家覺得最緊要做得開心 8) 「女同志」可以變成一個好廣嘅概念，唔一定要長頭髮皮膚白/做短髮帥t，可以揾自己嘅氣質 9) 返工做錯嘢就一定會，補救返就okay，唔使同經理道十萬次歉，唔使睇經理面色。如果經理要鬧人，代表佢能力不足，佢一定要道歉，如果佢係習慣鬧人嘅可以辭職走人👌🏻同埋會同公司同事包括上級一齊飲酒吹水 10) 多咗同朋友搞dinner party，去我屋企煮飯傾偈睇戲