陽澄湖大閘蟹vs泰晤士大閘蟹 曾住上海多年，每逢11月都會去陽澄湖食蟹。上一次已經係好幾年前，一行四人一早由傀儡湖邊出發，踩單車入蓮花島朋友嘅餐廳。食蟹時問朋友點解啲地名咁古怪，「傀儡」聽落似日本漢奸嘅意思。朋友解釋話，其實「傀儡」原本係指木偶戲。古時江南地方詩人多，文藝氣息厚，唐宋年間，傀儡湖邊唔係食大閘蟹，而係李白、杜甫喺度睇大戲，所以先會有呢個地名。 據講泰晤士河都有大閘蟹，但你知唔知點解泰晤士河叫泰晤士河？"Thames" 原來源自拉丁語，意思係「黑色」或「黑暗」，暗指泰晤士河係一條好那污糟嘅河。泰晤士河曾被宣布為「生物學上已死嘅河」，因為魚同其他水生生物幾乎完全消失。但竟然有消息話，大閘蟹居然喺泰晤士河出現！只能講Chinese Mitten Crab 真係好頑強！