千海水產一開張已經好有興趣去食 但太full 就算要等一個月都照殺 晚市得2個鐘太急 而且唔想夜晚食得太飽 所以一定係揀午市 價錢平啲之餘 仲可以食4個鐘(12月開始得返3個鐘) Book左12點 11:55去到已經打晒蛇餅 我諗應該要11:30左右到會好啲 等到12:30終於入到去 Order左個湯底就出去撈海鮮 食左鮑魚，蝦，大頭蝦同沙白 全部都好新鮮 啲蝦好大隻 絕對唔係基圍蝦 大頭蝦隻隻有膏 沙白都大 只係得一隻有沙 其他都無問題 可能啲海鮮全部都好大隻 食完第一輪已經好飽 太多蛋白質😂 雖然海鮮唔錯但啲牛就麻麻地 美國肩胛肉無乜牛味 澳洲M5和牛就比較瘦 配料區都好多選擇 有生蠔但我比較鍾意order嘅焗蠔多啲 poster話有鴨血 但出左去幾次都唔見有 冷盤比較特別嘅有煙三文魚 仲有黑松露醬任加 雪糕有我最愛嘅檸檬柚子馬卡龍 另外原粒榴櫣都好受歡迎 次次出都好快清空 食lunch嘅好處係 食到4點出面個水缸都仲係滿 唔會有海鮮食唔到 年紀大每樣食少少就好快飽 不過新屎坑咩都試下😛