同大家分享一下我去影Pre Wedding嘅筆記 去咗台灣影，因為本身好鍾意台灣呢個地方 化妝同攝影本身都唔識，係上網搵鍾意嘅風格就confirm咗 因為冇得事前開會，所以我就寫咗筆記send俾佢哋 開頭都有爭扎自己有啲over 但係與其去到當日先決定同溝通 可以事前做足功夫 最後好明顯係攝影師有睇，而化妝師係完全冇睇 開頭有問攝影師會唔會覺得好大壓力 佢笑住講唔會，反而覺得仲好更加有效率 仲話香港人好直接 化妝嘅時候 化妝品有部份係我冇見過嘅牌子 用上面嘅時候我都開始有少少吉同拿 開頭打算俾啲時間皮膚睇吓可唔可以適應 但化底妝之前我同佢講有少少刺痛，想抹一抹 佢好緊張回答我話佢未開始化 我用化妝棉抹嘅時候已經見到塊面有紅色點點 我已經知出事 不過我自己皮膚係真係屬於敏感底 所以我唔關化妝師事而係產品 同我貪心想試吓😆 洗完面之後我係用返我自己嘅粉底就冇事啦  最後結論係我好鍾意攝影作品 仲介紹咗啲客過去影 到我自己去化妝做嘢 化妝就…..not my style 唔係佢化得唔好，佢嘅氛圍感做得好好 所以化妝師都有踩雷嘅一日