總括嚟講 呢一年裏面覺得起伏不定 憂慮悲哀多過快樂 佔大部份嘅都係人際關係方面 今年我同好多人關係都差咗 有啲係我自己問題 有啲係人哋問題 包括有些少人惡意留言攻擊我 一係就係樣貌攻擊我 包括眼神方面 有啲就係當場面前語言攻擊我 有啲人想去孤立我 有啲人實際上同我有好 但其實佢哋喺度暗串緊我 所以我都係一個憂讒畏譏嘅人😇 所以我都係一個幾過分感性嘅人🥹 諗返起三四年前 我份人都仲好理性 中學嗰頭兩年都覺得無憂無慮 但係中三之後就變得慢慢越嚟越感性 其實都係某一件事 乜嘢事我都唔想同你哋講 但係去到中四下學期嘅時候 我嘅感情都已經算好咗少少 起碼都好少傷心啦 但係去到學期尾嘅時候 即係就嚟放暑假 我嘅心情又開始差咗 嗰陣時我先至正式開始跌到落谷底 因為我同好多人關係都差咗 因為我嘅性格太感性 佢哋都慢慢開始unfriend我 出賣我嘅人梗係有啦 嗰陣時我仲日日都喊 同到傾偈嘅人都可能得返好少 仲諗過去做啲唔適當嘅嘢 即係諗錯方法去解決事情囉 未完待續