元朗新店開門回顧🥳 記得一開始想做滿天花海嘅天花板時，收到唔少同事嘅反對聲音，包括：老闆，唔係玩咁大呀嘛？好難整㗎喎，好貴㗎喎？ 當想整夾公仔機嘅時候，都有同事質疑: 始終我哋唔唔係冒險樂園，同埋我哋班客人個個都做媽媽會唔會真係鍾意熊仔㗎？ 雖然係咁，同事們都係好努力幫我完成新店嘅設計，每一支花都係同事親手掛上去天花板，仲整到凌晨六點添🥹 超級辛苦，但係結果亮麗，好多客人行過都覺得我哋間舖頭設計好特別，甚至勝過名牌香水設計，行過都成日聽到客人話：呢間舖好靚喎，等我入去打卡先😜 至於夾公仔機，冇諗過男女老少都咁受歡迎😚小朋友搶着夾，連媽媽都鍾意我哋嘅🌸花bear 🌸 希望店舖生意蒸蒸日上🎊Floroma team hurray hurray hurray 🥳