話說我試過喺福岡退稅嘅時候比一 pair 香港人打尖，當時覺得勁嬲，因為唔明點解香港人去到外地都要蝦自己人。 今日去餐廳食飯，又爭啲比人側側膊打尖。 事緣係去到餐廳嘅時候，要先同店員登記貴姓同人數， 等咗幾個字之後終於叫我哋。 店員： x 先生兩位 因為我哋之前嘅都已經入晒去，所以都好明顯係叫我哋，於是我哋就同職員示意喺度。 點知突然有位男子衝出嚟話自己都係x先生兩位 （拿，但佢係岩岩先登記，嚟咗五分鐘都冇），正當我想出聲嘅時候，好彩店員同佢講未到佢。 事後覺得個男人咁樣都幾肉酸，見到一堆人等緊，自己又岩岩到都可以咁樣衝出嚟博大霧，我係佢條女就飛咗佢。 打尖