之後我地msg開始互flirt，然後佢就約我飲酒，目的好明顯，我覺得如果第二次見面都係感覺良好，我係可以直接上房。決定好日子，我就準備搵間有酒飲嘅餐廳，我問佢想去邊區，佢就問「係咪可以上你度飲？」佢一問呢句我又再次覺得反感。 只係見過一次面，我又無邀請佢，點可能自己要求上我屋企呢？男朋友都唔會咁快帶返屋企啦，何況大家都講明只係玩，我當然拒絕佢：「我不嬲唔會帶人返屋企。」跟住無幾耐，佢就話佢啲朋友約佢，要改期喇sorry，我即刻對佢失望到極點，我係完全唔接受人放我飛機，而且都好明顯，佢係酒錢同房錢都想慳，之後我就無再覆佢了。 以為好有緣，原來只不過係一個笑話。