我係香港人，今年40+了， 今次出文既目的係想結識到朋友，不論你係男定係女，只要你5介意我，我都希望可以結識你。我地先係網絡上聊天 希望有機會既慢慢可以變成現實生活中既朋友。即使唔係居住香港既你， 我地都可以做個網友， 我都ok。 有人問過我多唔多朋友。我自己諗返真係唔多。 除左年紀漸長 本身既朋友都有自己既生活同家庭。最重要係因為自己既性傾向令我由細開始 明明有熟悉既朋友， 但去到一定關係既時候 我會開始想保持距離，我未接受到比我既朋友知，我驚佢地接受唔到。 慢慢，好朋友也變成陌路人。 我冇怪人 因為我知係自己造成的。 年紀愈來愈大 我發覺生活為既其實係開心，我一直都諗有咩方法識朋友， 但學野好似唔太work for我自己。我其實都想有多d朋友可以互相分享，係可以一齊玩 彼此交心既朋友。 所以我決定鼓起勇氣出e個post， 如果有共鳴既你或感到寂寞既你都希望可以識多個朋友，歡迎可以做個朋友。當然， 做唔做得成朋友都睇大家夾唔夾到我自己都相信緣分，今生中可否相遇更什可否長久都係一種緣分。多謝各位睇完e篇文。有緣相遇吧