十年，話長唔長，話短唔短。 剛剛睇完和楽器バンド嘅休團演唱會，感觸良多。記得第一次聽佢哋嘅《千本桜》，嗰種古典和風同現代搖滾嘅結合，一聽就愛上咗。十年，八個人，冇人離開，冇人放棄，用堅持證明咗：只要用心，肯花時間，總會成為自己領域嘅專家。 回望自己嘅十年，冇乜驚天動地嘅成就，但冇諗過，會離開出生嘅地方，去到另一個地方生活。可能呢一步，已經係一場屬於自己嘅冒險。 2019年之後，好多朋友散咗，各自有各自嘅生活。有段時間，連《陀飛輪》和《最佳損友》都唔敢聽，因為回憶太多，聽一次emo一次。 「有啲人，可能只適合相遇，但唔適合擁有。」 從陌生開始，到陌生結束，雖然唔容易，但學識咗接受。 村上春樹話過：「不必太糾結於當下，也不必太憂慮未來，當你經歷過一些事情，眼前的風景已跟從前不一樣。」而我想加一句俾自己：攞脫過去。 仲有唔到一個月就2025，新一年，會好好努力。就算未有驚天動地，總有一日，我會讓三日月變成滿月。🌙✨ #十年 #和楽器バンド #感悟 #堅持 #三日月