職場奇觀（四） 有啲老闆係難估啲嘅。例如另一個朋友，佢Boss鍾意用反問句。 朋友匯報完畢。 Boss🤡: 你肯定咁樣做好？ 朋友👫🏻：係，根據資料，我們可以這樣做。 Boss🤡：（不置可否）你再找資料，下次開會再談。 其實這種對話已經來回好多次。朋友最後當然最後都明白，Boss 這反應是 no 的意思，但Boss又唔講自己想點。其實Boss 係 Boss，你話點就點㗎啦。但這種Boss又要保持自己好open-minded 、唔pushy 的人設，唔想係佢order下屬做事，所以就避免明顯地say no。 咁樣下屬就好為難，因為你又冇講清楚要點，淨係重重複複咁搵資料，時間嘥咗，嘢又做唔成。簡直係浪費時間、浪費生命……  呢種老闆，除咗唔想自己好似好專制咁之外，底蘊裏係怕孭鑊。因為如果係佢order你做嘢，最後尾件事禍咗，佢就冇得推卸責任。但如果係你主動提出，佢只是endorse，有事佢就可以將個鑊卸俾你啦！ 對住呢種老闆，就要更多觀察，摸清佢嘅喜好，甚至旁敲側擊，chok下見唔見到佢隻底牌。匯報工作時，要按住佢嘅喜好，然後包裝成係佢Inspire你嘅，俾返個彩佢攞。