⚠️❌🚨 Dating Apps 404❗⛔🚫 STORY (18) - 創業男EX🥘 pt.13 上文講到唔知點解🥘個人開始變得好敏感 會將我少少嘅行為放大到話我唔重視佢😂 仲有一件事係，唔知作為I人嘅讀者們，會唔會覺得個人空間好重要呢？ 我就係咁嘅人😂 基本上我拍拖都係鐘意預先計劃約幾時同去邊 咁有時無計劃到，我就會做自己公事或者me time 有次🥘好即興叫我出去 但我本身想留屋企休息所以話唔出 加上第2日都見😂 之後🥘就勁敏感話：我係你男朋友都搞到約你好似要預約咁 咁之後見佢俾說話我聽，我就話出啦 但🥘又唔高興喎：唔洗啦，好似逼你出咁 其實點解要諗到我咁差呢？ 我只係慣咗呢個生活模式，無覺得係逼緊我出去 但🥘就係覺得我唔重視佢 呢件事成為最影響我哋關係嘅第2個導火線 因為之後到分手都有相似嘅拗撬 咁之後第2日如常見🥘啦 🥘就話：其實我琴日係買咗生日蛋糕俾你，想俾驚喜你 （我問號？其實我生日都過咗半個月喎） 我：下？你唔講嘅？但我最後都有話出啊你又話唔洗，咁個蛋糕呢？ 🥘：我扔咗喇 其實當初我信，仲覺得有啲內疚 但後尾覺得🥘似想我內疚先咁講 （待續） 交友apps