我人生真係第一次唔見銀包 係中一嗰年 有日放學喺荃灣公共圖書館 俾人偷咗嘅 跟住從此冇唔見過銀包 而今年六月返香港嗰陣時候 有一日失魂整唔見咗個銀包 係我人生第一次自己失魂唔見咗銀包 唔見咗都冇辦法啦 仲要係特別版嘅名牌銀包 我人生中第一個咁貴嘅名牌銀包就唔見咗啦 嗰一下好鎮定走返回頭嘅路 回憶返自己發生嘅經過 最後確認真係唔見咗之後都冇辦法啦 唯有即刻打電話做各樣嘅報失 錢冇咗事少 最煩係啲證件 之後爸爸有諗過買返個名牌銀包俾我 但係我寧願佢用啲錢去吓旅行開心吓好過 跟住一直都有物色緊買返一個銀包 但係冇咩特別嘅preference想要 後尾有日見到細佬去咗日本諗住買返個Gucci銀包 因為喺澳洲買一個都要$500澳幣 但係嚟咗澳洲之後購買物欲係低咗嘅 心態變咗性價比高 有得用就OK 😂 最後加埋Black Friday有做discount 就買咗澳洲本地品牌嘅一個銀包 一個$100澳幣都唔使 完美融入澳洲嘅生活吧❤️