玩交友app 30 歲以後女性既情況（即係me🥲) 2 冇諗到大家有咁多意見 首先重申 我冇想物化女性 自己都係女人 用牛奶紅酒比喻 只係想分享自己30+後 係擇偶市場同 同齡男性相比遇到既困難高 無論接受唔接受 普遍黎講就係咁失衡 相信你身邊總有一個咁既 30+單身女性朋友 或同事 你覺得佢正正常常但就一直冇拍拖 但30+ 仲正正常常既男性朋友就極稀有 而空窗期好短 又拍拖 而靚女呀女神級數同rich rich既女士 本身就另當別論 依d界別就7老80都唔使煩啦🤣 講緊係平凡如我既一般女仔所面對既 問下婚介公司 配對服務都會深明依個事實 女人大dd仲單身就叫你 賣剩蔗 剩女 攝灶罅 老姑婆 🥲 男人大dd單身就話 單身王老五 冇腳既雀仔 同 未玩夠 其實未玩夠 女人都可以係未玩夠 但係30+ 之後既世界就係男女對掉左 對你比較苛刻 30 +單身既女性當然都可以好精彩 人生咁多種可能性 係咪一定要搵個人結婚生仔先叫完滿 我唔知道 係咪無男人無另一半會死 絕對唔係 單身絕對可以係一種選擇 令自己變得更加好 一樣可以閃閃發光 祝福大家都能夠不負所愛不負被愛❤️ 香港交友