升小遊戲（26） 津校 究竟學校教學模式點樣影響小朋友性格特質發展？由於豆媽從事教育行業10幾年，見盡不同學校學生，發現大部分津校由於要配合呈分試，所以離不開操練，如果一間學校好重視學術成績，多功課測考默又少活動，又要求學生紀律嚴明，如果家長課後都繼續操學術，通常幾年後學生就會成為左考試機器，好處是性格乖巧成績好升到好中學。但性格可能會唔夠靈活變通，不太懂思考，好多時習慣左spoon-feeding 的學習模式，性格會比較刻板，表達能力也不太理想，有時比人鬧/恰都唔識反駁。如此性格特質放在職場上會如何呢？職場上沙紙證書是入門通行證，入到去混得好不好關鍵還是看思考能力、應變能力、品德性格、社交能力、溝通能力、待人處事態度。職場上如此，情場上如此，家庭上也如此。所以讀就算讀靚津校，都要適當培養小朋友的軟實力啊💡