作為一個RN轉行，由曾經send極cv都冇回音，到後來第一份工人工已經高過HA。 於是，決定出一個求職系列。 第一集·定位 首先，講下自己故事先，我dse分數唔高，又一直好想入medical field，於是係對nursing冇咩理解既情況之下揀左nursing。 點解我對medical field有興趣？屋企好大關係，因為我屋企人無非從事兩種行業，一係醫生，二係金融。當時我好憎金融，因為第一覺得收入唔穩定，又無業遊民咁，自細已經大起大落，唔想再擔驚受怕，第二覺得金融對世界冇咩實質性貢獻。事實當然證明我太天真，我既諗法完全錯哂。 而我係冇對第三個行業既理解既情況之下，就揀左nursing。 所以對此，我會建議各位家長同學生係揀科之前，要全面了解你可以揀既選擇，千祈唔好固步自封。 如果俾我再揀多次，我會揀咩？可能金融、CS、或者art。 咁點樣可以全面了解可以揀既選擇啊？ 見下集。