咖啡talk shit 身為一個有少少經驗嘅咖啡屍，估唔到隔咗8年我會再飲呢一間「咖啡店」嘅咖啡，不過今次係自己沖。 呢包嘢喺沖得好嘅情況吓，都一樣有順滑口感同甘甜嘅餘韻，而咖啡豆好深色又出晒油代表烘焙度深，所以tasting experience 係以苦味行先。 簡單比喻就係唔同深淺色嘅焦糖嘅味道分別 而坊間好多嘅咖啡店多數都用緊比較淺色嘅咖啡豆，即係烘焙度淺，tasting experience 上苦味會減少好多，但酸度會出返黎。 我哋一開始就係接觸咗當時嘅咖啡風格，變咗會對咖啡有固定嘅印象，認為苦到好醒神就係好咖啡，當接觸到有少少酸度就會覺得奇鳩怪怪，然後black list。 又講個比喻我哋鍾意食日本提子日本桃，都係追求甜度酸度平衡同香氣，點解對咖啡又冇呢個心呢？ 大家有冇諗過好多嘢都係有兩面嘅，有淺自然有深，有酸自然有苦，品味冇話啱定唔啱，最緊大家飲得開心舒服。但喺香港生活都咁苦，我就唔會飲啲咁苦嘅咖啡令到自己清醒，我寧願飲一杯甜甜哋少少酸嘅咖啡之後先開始拼搏工作好過啦。 留言續 咖啡日常