覺得自己快頂唔住！ 要照顧一個有焦慮症嘅小朋友，我已經好盡力。雖然唔敢講出口，其實某程度上嚟講，我覺得佢係一個考驗。 其實我都係一個好易不安嘅人，要照顧一個隨時情緒低落，散發著負能量嘅小朋友，我係一直撐住，叫自己頂住。不過，我都開始覺得有啲透唔到氣。 我唔知解決辦法，亦唔想揀，好驚揀錯，我只係想快啲捱過去，希望會有改變。 有時候，只係想有人攬下自己，拍下背脊，讚我已經夠努力，但我只係呻下，人哋已經話我抗壓力低。 細個時，有次想伸手繞住媽咪，佢話做咩呀？好熱⋯，之後記憶中，已經無任何同佢繞手或拖手嘅回憶，所以我估自己係好想身邊有呢類會主動安慰嘅親人，不過嫁咗後依然係無。 我唔知點為之抗壓力強，但3年黎來來去去咁，開始令我連盼望都唔敢有，好驚以後都係咁⋯