最近都冇咩特別嘢想9up💩 總結一下我對近期比較多人討論嘅話題嘅睇法： 1）廚叉開返長航線 ，有返熱餐，喺經濟不景嘅情況下，進取地用330去飛，前艙賣唔賣到都成問題，大柴EY劈少少價，照計都逼到佢出血🩸，里數又唔夠打，會唔會殺得出一條血路呢，我唔樂觀，另外，廚叉最近都好多高層人士變動，睇嚟老母有心整頓，不過暫時睇佢個整頓方向好似唔多對路👀 2）大柴長航線繼續擴張，年尾花紅同人工調整作為同行指標，無驚無喜（姨仔隨後跟上），我最近都坐咗幾次大柴嘅J，(今個月有機會坐廚叉），覺得服務似乎持續下滑，希望佢唔好淨係掛住奶，基本嘢做返好啲先😭 3）灣區新行李政策，之前出post講過，唔睇好，佢繼續穩穩陣陣開返啲大陸線，食補貼食團，不過留意到媽劇停好似有進步，少咗啲柒味，高層都有少少變動，希望佢下年繼續進步🫡 4）姨仔廢除行刑架，係一早已經落實，只係佢地7下7下拖到而家先出得街，見到普遍都係抽水鬧兩句地歡迎廢除😂 咁梗係有放寬好過無啦，今年就埋尾，蝕到扒街就預咗，阿媽有賺咪得囉，反正姨仔出咗名入面係七國咁亂（同其他兩間鬥亂），除非佢換走幾個高層，否則唔覺得佢會有好轉🙂 （今次配唔到圖👻）