懷疑嚟咗加拿大個人慢咗同少咗講嘢多咗聆聽， 開啟咗陌生人心事台模式。 尋日把握最後一日上台出iphone16。 開台叔叔都係吹吓水問吓我做緊咩。 我話跟老公同小朋友過嚟。 問吓問吓講到父母。 佢叫我一定要申請父母過嚟/加拿大對小朋友同老人家好好… 我仲答緊：不了，佢哋唔慣… 叔叔已經一輪咀咁話自己係馬來西亞人/一個人嚟咗十幾年/爸爸幾年前走咗/上年媽媽都走埋/佢趕返去家鄉見唔到最後一面… 講吓講吓佢都眼濕濕。 「我做唔到啲咩，不過同人講吓個心舒服啲。」 最後佢贈我一句「珍惜眼前人」。 父母始終都係移民人士嘅軟肋。