寫code寫咗咁多年，一直都有問自己：目標喺邊 以前，會因為寫到段 code 幫自己慳到時間(偷懶)而開心，但後來發現，原來寫到段code幫到人先係最開心嘅一樣嘢 但當然，唔係次次都咁順利，撞板係一定有，即使寫咗28年，到今日遇到新嘅挑戰，都會質疑自己係咪做得到；但最後可以依靠嘅，唔係質疑自己嘅能力，而係「博盡」，一旦接咗 job 就要博盡、無悔 試過有次，係初初出嚟開公司接job，有間 public utility 突然將死線提前咗，最後為咗趕起，用咗36個鐘不眠不休咁去寫，交貨果刻仲要拖住超攰嘅身體同極大嘅黑眼圈去 present，最後好彩過到關，仲一路 keep 住用到今日 (已經12年) 上年開始，公司接啲美國嘅project嚟做，直頭忙到懷疑人生，亦擔心過自己嘅能力根本打唔到大佬(話晒美國嘢喎...)，但最後都係博盡去試，完成後客人都覺得滿意，先 keep 住再合作 所以漸漸我覺得，寫code，有時目標唔係講幾時寫得完 而係，仲有冇得繼續寫 因為有得繼續寫，先至幫到人 . . (都寫咗28年，唔攰嘅咩？) 攰，超攰 但真係鍾意嘅，再攰再辛苦都係值得