名創優品截至今年9月底止季度收入按年升19.3%至45.23億人幣。首3季中國內地收入按年增14%至77.4億元，海外市場收入按年增41.5%至45.4億人幣。海外市場做得好，IP產品銷售應記一功。 名創今年開始同日本人氣卡通Chiikawa推出限量產品吸金，仲係世界各地搞快閃店賣限量款谷名氣。產品標榜高性價比，次次一推出就引起瘋搶。加上以限購、限量等銷售方式，夠晒gimmick。 Chiikawa係時下年輕人嘅「流量密碼」，只要有Chiikawa產品開賣，都會有人流。Chiikawa同Miniso聯乘產品係快閃店上架後短短10個鐘賣近268萬人幣；即使本地零售遇冷，係香港又一城搞快閃店亦驚現長人龍購物。 季內毛利率增3.1個百分點至44.9%再創新高，證明佈局IP產品銷售同海外市場見成效，令品牌成功升lev。名創門市總數達7420間，首三季淨新開859家，全年開店達標機會大。 CEO葉國富承諾，未來一段時間內將堅持每年唔低於50%調整後淨利潤作分紅。之前仲話用20億回購。一間搵到錢又識派息比股東又會回購嘅消費股嚟講，現價20倍PE又點算貴。 chiikawa