今日好似係北角站， 有個阿婆震哂咁自己一個推住架輪椅上車，佢又無叫職員鋪板，又震到堅係下一秒就仆，架輪椅又差啲碌走，好驚險，完全唔明點解佢會自己一個出嚟 佢話佢去深水埗，咁我旺角都順路，就順手陪佢轉車去埋深水埗，中間佢話佢跌斷過隻腳又中過風，個仔係醫院，精神病，阿婆俾佢個仔家暴左四年🥹唉 最後送到佢去深水埗，佢仲想話去東海堂買餅我食🥲🥲佢仲講起自己住緊西灣河間護老院，我話係我附近喳喎，得閒過黎探你啊，佢勁開心係咁捉住我隻手多謝我🥹 夜晚我將呢件事話俾男友聽，佢老母聽到就話會唔會係騙案啊，小心啲喎，佢震到咁老人院有咩可能俾佢自己出黎…雖然我都有諗過唔合理，但無諗過係騙案…而我去到深水埗個陣驚阿婆自己一個有咩事我真係俾左我電話同名佢🥶🥶🥶🥶🥶🥶🥶🥶🥶 有冇人話我知無事既..