我係直路轉完二波先轉彎，我個人感覺係上二波轉彎會順過一波。我車感係一波轉彎好震，會搞到我唔穩定過彎同唔夠速度保持平衡。 二波轉彎冇咁震之餘，因為轉波之前要俾啖油，前面已經有個速度係度，所以轉完波可以定住油咁去，亦都唔怕死火。 元駕場冇暗斜問題，唔需要驚轉二波唔夠力。