續集 自從同🦀分開左之後，發現呢個世上只有一個人會真心當我係寶貝，呢個人就係爸爸，雖然關係有種微妙既變化，同屋企人就好似朋友咁相處，但始終我習慣左唔開心既野只會收埋係心入面，覺得開口講好困難，所以對住佢地只係報喜不報憂。 慶幸既係我獨自一個人捱過傷心既時間只係好短暫，好快身邊就出現左我家姐，一個無論發生啲咩事都會係我身邊既人。 我由細到大讀書都唔叻，有關讀書既野永遠都左耳入右耳出，所以其實屋企一直都冇係學業上比啲咩壓力我，佢地對我要求好低，合格都滿足，不過我真係太貪玩，將所有時間都拎左去無盡無悔咁玩，有人成日話「到出黎做野你就後悔，想讀返書」，但呢樣野從來冇出現過係我身上，我反而覺得，慶幸我當初玩到盡玩到夠，唔會後悔當年最美好既時光荒廢左係學業身上🤣 我妹同我就相反，我運動細胞比較叻，阿妹偏偏就係一個運動白痴，我讀唔到書，但阿妹就讀到。 我一放學就去玩，基本上好小時間理個妹，由其係🅱️果段時間基本上都唔係屋企。到🅱️完結左，返返屋企住，阿媽就成日搵我黎恐嚇個妹，因為呢條友仔會由放學開始訓教訓到我返屋企都未做過一樣功課。