有唔少人話，寫 code 係為咗想「改變世界」 但其實：要改變到世界，首先要改變心態 講緊嘅係，唔少人去寫code，係諗住搞「壇嘢」出嚟，然後拎到AF、A/B輪，甚至賣盤，賺到一世都用唔完嘅錢... 只要你一旦有咁嘅諗法，係好難改變世界 10年前，我公司比一間大公司收購，收購條件係我地要諗到一壇嘢，可以幫到佢地轉型，改變同業 + 賺大錢 同佢地前後開咗廿幾次會，傾好晒所有條款先加入；但最後，即使壇嘢審批晒，有晒時間表都好，公司嘅「投資人」係唔會有相對嘅耐性，去等你「壇嘢」發揚光大，佢地只會關心幾時有錢返 就係咁，壇嘢喺十劃都未有一撇嘅情況下，就要推出去賺錢，即係MVP已經要有錢返，而結局係點我諗都唔使多講 情況就好似當年Groupon，因為過早上市，而比一班唔識 Digital 嘅人參與決策；事後創辦人梅森被炒，講咗句： 「都係我on9， 將自己一手搞起嘅公司，轉咗比一班流氓」 而我，亦只係云云 on9 嘅其中一份子 ／ 所以，想要改變世界，首先要明白一樣嘢：唔好諗住為錢 「喺無錢嘅情況下，係咪仲想去改變世界？」 係嘅話，咁先至有條件 向世界出發