青少年中心工作日常(3) 有人問我地做青少年中心有咩辛酸故事，事實上我自己好鐘意做青少年工作，所以無咩覺得辛苦，但委屈就點都有。 先講下我地做社工其實都要追數，每年要做250節活動(公開資訊嚟，社署個網有寫)。咁你一年250節活動，一個月咪做20~21節活動左右啦。係一星期番11節嘅情況下，每星期就會做6節活動左右啦。 咁人生邊有咁順利，好似暑假咁，其實係會日日做活動，去宿營，玩水，一個月做50節不是夢。 嘩你做咁多活動，咁點數嫁？ 所以我地每月都要將我地做過嘅工作數字輸入去系統入面，但係咁多野做嘅情況下，其實係無乜時間做呢啲行政野。 我好記得我試過8月數字deadline 前嘅一日，我岩岩完成咗暑假閉幕禮，9點幾勁攰個陣，行政同事行埋嚟，同我講咗句。 「你仲未交stat喎？可唔可以準時啲呀？」 我真係眼淚都流出嚟咁制，大佬時間得咁多，點做呀…. 最後我個晚做到2點幾先走…