筆者今日睇咗一場精彩的女子D1王者爭霸戰！首先要恭喜英華贏了首屆合併D1冠軍寶座！ 擊敗王者「常勝軍」協恩！17連冠終於打敗！感覺就是男兒當入樽，湘北贏了山王工業一樣，全場振奮人心💪完成不可能的任務！ 過往我都帶領過女子隊，喺精英賽對上不敗神話協恩，感受最深刻係令你窒息的全場緊迫。假使比你好彩突破到第一節全場緊迫，體能好快高下立見，令你喪失還擊之力！40分鐘比賽，往往勝利都會「冇懸念之下」走向協恩。 當然要介紹一下雙方教練！ 協恩新人事新作風，聘請了知名香港隊球員兼職業球員梁兆華做協恩主教練。 英華方面係有帶領多年甲組經驗，幫七喜贏過兩屆甲組冠軍🏆資深主教練王晶 今日睇一場精彩的40分鐘比賽，開賽頭兩節！好老實講，基本冇懸念係協恩贏，去到第三節開始情況有變！協恩主要做兩個陣地戰術，不過對方防守球員適應之下已經搵到解決方法，而且協恩未見到有其他板斧拆解，再加上係防守上，第一次見協恩給對方有空間去做選擇同決定，同過往有很大分別、形成今日嘅結局！ 每隊球隊特性，自己教練會最清楚，所以比賽完結，等待賽後檢討，喺精英賽上期待再龍爭虎鬥！ Nothing is impossible！