有好多人認為，你冇錢就唔開心，你冇錢先會有一連串不幸，所以你快啲去搵錢啦！  在我而言，唔開心，先係會令到我連搵錢能力都喪失，而並非我能力不足。如果身邊再太多負能量干擾，不斷比佢哋打沉嘅話，咁唔使多講啦，完全係通往死亡嘅捷徑啊。 咁話晒我共情力好，感知力咁強，實會周身都唔舒服㗎。但呢個的確係我天賦能力，我消除晒所障礙、好好運用我嘅天賦能力、並加以提升自己層面嘅話，其實我係絕對勁過晒好多人。我都絕對唔係一啲懶惰唔勤力嘅人，我要堅持都可以好堅持。而且我都不嬲好相信我自己嘅能力。 所以，我先至會認為阻我發達個源頭係情緒。情緒問題，先至係導致人生一直失敗嘅原因。 所以呢，繼續好好地愛自己，同埋繼續保持大無畏精神。每個人都冇話好定壞，其實就係一面鏡子，反映到你自己出嚟。 所以夠愛自己嘅話，全世界咪會愛你囉。