啲朋友介紹我畀身邊嘅朋友認識，都會用「義氣仔女」「好肯幫人」「好抵得諗」……嚟形容我，感謝各位認真看待我對你哋嘅真心 好聽啲講我係義氣仔女兩脅插刀 （其實人哋嘅嘢關我咩事） 難聽啲講我係多管閑事愛抱不平 （其實人哋嘅嘢關我咩事x2） 後生嘅時候乜嘢都會攬上身，唔關我事睇唔過眼都會攬上身，明明朋友自作孽畀人攪我又攬上身， 總之就係覺得自己唔怕死、大無謂、心口掛個勇字，係咪都撐咗「朋友」先 但經過無數次被「朋友」出賣背叛，發覺其實人點解要咁講義氣呀？喺古代有義氣好似關雲長咁就萬世景仰啫，喺呢個年代其實人哋只會笑你戇鳩🙄 早幾個帖提及有個專做第三者嘅女人，有次又係做第三者話佢想分手個男唔畀佢分，仲話個男郁手打佢推佢，我又係衰衝動落去嘈仲同條仔大打出手，最後大家即場三口六面傾，原來條女勁多大話仲屈條仔，做人太衝動永遠都係會被人擺你上枱 以前讀書嘅時候喺班會做財政嘅同學，成日私自挪用班會費嚟買佢鍾意嘅嘢，而每當到時候交數就喊住同我講冇錢拎出嚟，次次我都貼錢幫佢補貼，後來呢個女仔唔知係咪習慣咗，夾埋另外一個屋企有錢嘅女同學呃我錢 幫人真係諗清楚值唔值得先做 未完，下個帖繼續有故事