759中期盈轉虧，預計由上年賺30萬變到今年最多蝕3,000萬。雖然都估到佢業績唔慌好，但就無諗到蝕得咁甘。佢市值都唔夠1億，3,000萬對佢黎講都好多。 事實上，759過去五年(2019-2023)中期都有錢賺，包括社會事件及疫情期間，估唔到今年一蝕就蝕得咁勁。 759解釋蝕錢皆因(1)港人北上消費，尤其星期六、日、紅日，街上唔多見人；(2)港人似乎保持疫情期間既生活習慣，夜晚人流及消費無法恢復到疫情前水平；(3)股市、樓市唔掂，抑制港人消費意欲。 佢講啲理由都係真，但全部係大環境因素，短期內都見唔到會改變，咁佢自己又可以點應對，唔通真係等運到？ 睇返優品360中期業績，賺錢唔在講(1.2億)，仲要按年升一成，係最近五年賺得最多既一年。759認真要諗諗計啦。 759阿信屋 {筆者為證監會持牌人(編號:AWK994)，本人及相關人士沒持有上述股份。以上資料僅供參考之用，並不構成提供任何投資建議及買賣要約。}