續集2 阿妹英文數學都好，唯獨中文唔好，同我真係完全相反，每日玩完返屋企就係篤住佢做功課，寫篇作文兩三個鐘都寫唔到一行字…..最後都係我頂唔順！寫完係張紙到叫佢搬字過紙😒唔係大家都唔洗訓，呢條友仔真係麻鬼煩。有一次我同啲朋友係樓下打完波返屋企。 媽：你死啦！你家姐返，你仲唔起身！ 我妹以為我媽呃佢，所以佢選擇繼續訓，我一直都冇出聲，行到去房門口望住佢，再拎起佢書包開門掉左出去，佢即刻成個人彈起身，企左係屋企門口望住個書包，佢唔敢行出去執，因為佢一行出去我 就會關門。從此之後佢放學幾眼訓都做左功課先，因為佢知我會對付佢🫠 一到週末我通常都唔係屋企，我妹成日都想跟我出街，因為佢唔想困係屋企，同埋佢習慣左bb果時已經係由我自己一個帶佢出去公公屋企，有時同阿哥家姐佢地成班出去食飯都會帶埋呢個麻煩友，基本上大家都會好take care佢。 #雖然我成日話阿妹好麻煩 #但其實我好錫佢