獵頭日記| 獵頭行業點解仲未被淘汰？ 睇到之前文章有讀者留言話「搵獵頭不如自己試」，我響度分享啲睇法。 獵頭對履歷嘅嚴格篩選其實係來自個客嘅要求。我哋有時見到A+履歷表係真心想推，但客有可能對年齡、學歷、穩定性等等有考慮。咁點解有啲Candidate自己遞CV就可以有得In呢？ 1️⃣客既然使錢用獵頭，一定係希望有更好和更match嘅CV，或係某個位突然需要補位，所以對各方面要求都會嚴格，簡單講呢筆錢要使得值。 2️⃣HR都有自己KPI，所以收到一份幾唔錯嘅CV肯定會願意安排面試，如果個Can有80+分，可能會慳返搵獵頭。 而家有好多HR都會好似獵頭咁主動search CV，咁獵頭嘅價值究竟喺邊度呢？ 初入行嘅獵頭係Sales，就係簡單嘅售賣信息差，喺企業和Can之間做個中間人；慢慢成長到第二階段，會用一啲特殊手段搵人，亦會根據雙方真實意圖做優質配對，第三階段就要做到反向指導，幫客判斷職位/人工合理性，令客對職能定位更加清晰，同時幫Candidate做職業規劃，簡而言之就係雙向定制化服務。 搵工