話說今日同助手仔deep talk講自己對於工作嘅想法， 發現我地大家嘅諗法都好相似， 對自己好有要求、視每個task都係一個吸取經驗同學習機會、會反思自己邊方面可以再進步⋯ 我最欣賞佢嘅地方，係每次比一個新任務佢， 佢都唔會退縮同拒絕，雖然會好緊張，但都好勇敢去接受挑戰！ 記得有次吩咐佢幫我揀定三支唇膏比新娘子， 觀察到佢先望下新娘子膚色同個妝， 再揀左三支唔同色調、唔同質色嘅唇膏。 有Glossy、有matte、有裸色、有磚紅色， 完全命中紅心，係我平時會幫新娘子用嘅色！ 證明佢日常真係好留心睇住我點樣幫人化妝。 我覺得自己團隊有佢真係好幸運！ 唔止係佢能夠幫到我幾多，而係好似一面鏡咁令我都睇到自己嘅優缺點。 好期待佢可以更上一層樓！！！