今日見監製，以為只係循個例，但估唔到佢真係好細心睇劇本，仲睇得出錯別字，雖然係小事，呢種態度其實係以前返工返到滑晒牙嘅生涯裡面特別少見。 見過好多人當劇本係一種形式、過程、工具，最後都會俾導演改俾演員改俾全世界改，實在好難見到有人會在意劇本每粒字。 但佢講，只要對自己有要求，先會吸引到同自己一樣有要求嘅人一齊追求更好。 監製果然行走江湖，雞湯都灌得特別有技巧，而我又肯飲。 無咩事我都係重新學吓寫字先。