我與偶像的最佳距離？ 呢排一直都有啲confuse 有時候為想同鍾意既偶像見一面 好似真係要付出好多時間，精力，體力同耐力 係呀，我係好想見下佢 所以會同埋其他朋友一齊去追星 係追既過程，有同伴一齊結伴同行 係好開心既 但有時侯，我好似相比起身邊既朋友 投入感相對不大 我會覺得，唔想追得太近 留返一點點距離就好，大家都會舒服😌 所以當朋友越追越近時 我就會刻意放慢腳步 離遠見到就夠啦 我知大家每次追到心目中既偶像 得到對方回應一句 得到對方簽名，回應一定會開心到上天 呢份感覺我都明白 但我唔想將呢樣野 變成每次同大家見面時既龍虎榜咁 互相比較吹噓 另一邊廂 我又會擔心自己 我對呢個人越嚟越沉迷了 會唔會突然間有一刻 我會不能自拔咁投放晒所有感情落去？ 就好似吸毒上左癮咁？ 生活冇晒自己 空餘時間就係圍繞住自己的偶像 睇佢既野，聽佢既歌 Mon住佢既所有社交平台？ 我唔想見到呢個咁唔理性既自己 我覺得唔應該咁樣既 我覺得偶像都唔想我地變成咁 所以我都應該叫自己醒一醒了 歡迎大家一齊理性討論分析傾下 或者可以分享下大家既經驗啦😉