BB 14weeks，我有時覺得佢好似聽得明大人講野。有日我餵緊BB飲奶，爸爸放工返來，問咗句「BB飲奶乖唔乖呀？」，我話「一時時啦，有時飲得好好，有時hea飲，啲奶咀角流晒出黎」，然後BB無端端大喊，我即刻安撫佢話「Sorry sorry，媽媽講咗你壞話，你飲奶最乖乖。」我講完BB就唔喊，佢“哼”咗一聲，然後繼續飲奶。 其實你咪識聽大人講野🤣🤣 又一次，我抱住BB時，我要飲水，BB眼定定望住我飲水。我同佢講「媽媽飲水水，你只能飲奶奶，無得飲水水」佢即時扁咀大喊，我話「就快啦，你過3個月就可以飲水架啦，媽媽已經買個杯俾你，你到時就可以用你個私家杯飲水水」佢聽到後就笑返。好得意，佢好似明白晒咁🤣