接上條threads 針口位會有一個個包（好似俾蚊咬咁） 醫生話要俾皮膚休息 我好聽話冇出街冇化妝 加上唔煙唔酒 兩三日之後d包就消失左 時間去到半個月後 有日我突然覺得牙肉腫痛 兩邊面都痛 㩒一㩒都痛 塊面肉眼可見嘅腫 冇諗太多就去左睇普通家庭醫生 開左抗生素 我諗住好快會冇事 D藥食曬冇再痛 但係塊面望落仲係腫 我以為仲有發炎 咁就食下d中成藥睇下有冇改善 過左一個星期 我返工又好po相上ig都好 都有人問我「係咪幸福左」 最誇張係 好耐冇見我嘅姨姨 佢完全認唔到我 因為塊面好橫 但我好確定 一定唔係肥左 （我食唔多又有keep住長跑） 哥陣都以為係未消炎 就係呢個時候我知道塊面唔對路 又過左幾日 10月中左右 洗面嘅時候 㩒落塊面度但feel唔到裏面咁 啫係好似有一層野係裏面 但唔係自己嘅皮膚組織 哥種手感好噁心 因為明明係自己塊面 但又冇應有嘅手感 仲要係上至顴骨位 下至下巴位 度度都係咁嘅手感 我心諗 發炎會發到咁㗎咩 先慢慢聯想到水光針呢個treatment 開始懷疑係咪有手尾要跟 再續 樣我就唔開啦 但跟住前後影過嘅相 畫左對比圖俾大家參考