瓊瑤走左，就想起其他伴我成長既作家。 初中先睇岑凱倫，大部份睇哂，佢寫作係小學生级，所以初中啱睇，再大d睇就顶唔順。件件仔都有錢靚仔，件件女都靚到嘔，睇一本同睇十本都一樣。 之後係嚴沁，好短時間，好過岑少少，但對佢興趣唔大。 再之後亦舒，早期佢作品全部睇哂，好多個家明! 早前網上睇圓舞，ok 啦! 後期作品已無睇。玫瑰的故事劉亦菲我直情轉台，其實張曼玉發哥係正到不得了。 再之後打大佬睇張愛玲，但佢文筆有時太多修飾，或者係個代人寫野係咁，最愛傾城之戀，但一拍電影就嚇死，發哥做范柳源，由佢把口講小說對白，我用好得人驚來形容！ 再再之後就係李碧華，佢係我而家最中意的，簡單直接唔扮野。以前書展成去掃佢d書。 睇胭脂扣女主角其實係有d天真，梅姐係好，但老練左少少。無左蘋果好似已見佢唔到，佢係咪已經太失望唔再寫呢？