作為一個RN轉行，由曾經send極cv都冇回音，到後來第一份工人工已經高過HA。 於是，決定出一個求職系列。 第五集·揀科唔好諗住trans科 上集講到高中揀岩科對未來求職既重要性。 我當時係冇揀到適合既科，於是溫書效率好低，亦冇時間同精力去探索自己叻咩同鍾意咩。我咪話我一心想入醫療科既，咁岩全級大部分人都想入nursing，亦有人話我知讀專業有牌既科先係完勝，係冇對學科及trans科充足了解之下，我就揀左nursing，同時嘗試trans科，一心諗住就算我trans唔到其他醫療科都有一技之長。 事實證明，幫自己諗一條社會性認可既後路係好錯既事情，因為我根本接受唔到做nurse呢一個結果。 其實當時我都唔蠢得哂，我有問過一個讀nursing既師姐，佢當時提點我，你係真心想讀nursing架可？我話係呀。佢話，千祈唔好抱住想trans科既心態入黎，因為極難trans到。 我當時聽到，但冇放係心上。 我毅然決定左一邊讀nursing一邊讀IAL non-jupas再揀過科。