想知係唔係淨係我 定係大家同行都有咁嘅體驗 就係入行之後真係好好好好好難識到朋友 同事or行家聚埋就係講公事/變左peer sup 好難放得開講下9嘢 有時想放鬆下講下笑（例如地獄笑話） 大家就會突然間用啲好奇怪+嚴肅嘅目光望住我 行外新朋友好似知道我做咩之後就會好故忌 好多stereotype 例如玩狼人殺嗰啲 一定會話我知道大家諗緊乜所以唔想叫 或者會開始講自己屋企人/朋友 有mental health問題 （我又要好官腔咁答 要睇睇醫生，冇辦法隔空隔人問診） 然後又空氣安靜 甚至某啲多年舊朋友 都話同我講嘢好驚我會知佢哋諗緊乜 無論我回應得幾9幾荒謬 對方都會話 「你係咪分析緊我」 然後當我答唔係 空氣又凝固左 好似唔信我真係有下班模式 連有時同屋企人嘈交 我都係好「做仔女」咁講下意氣說話 例如「你當佢仲十幾歲咩，咁大個人由得佢啦」 對方都會話 「我唔係你client！唔洗你輔導我」 我心諗 就係因為你唔係我client我先有得咁同你講嘢.. 但對話一般就係會因為咁終結左 有時都幾寂寞🥲