突然間，好掛住我阿公 我阿公係一個唔多出聲既人 細個每個星期日一定會上去佢度食飯，後來就變得越來越少.. 無論幾時去探佢，佢講得最多既係 「今日返工呀？」 「放假呀，放幾日呀？」 「雪櫃有汽水呀」 食幾多碗飯都叫你「食多d，返工無野好食呀」 食完飯就一齊睇新聞，睇亞視，睇波 佢已經唔識分邊隊打邊隊，但成日都會淨係講香港以前踢波好勁 我反而都唔識佢up得出既球員 後尾佢好易攰，食完飯好快就上床抖 每一次我同佢講「阿公我走啦」 佢都會話「下次返工攰唔駛黎啦」 佢走既時候，我係好唔開心，但無呢一刻咁掛住佢 我諗我懷念既唔係佢呢個人 而我係好掛住嗰個，一喺佢隔離就咩都唔駛諗，淨係聽佢講野既自己.. Miss you Gon Gon 希望你同婆婆一直都安好