直到球證哨子聲響起，觀眾掌聲雷動 先至意識到，喺嗰一刻屬於你嘅校隊同樂團青春正式奏完最後一個樂章。 直到嗰一刻，先至意識到 原來 每星期放學落去球場練波定係去開樂器練樂團呢啲每年如是嘅日程 都已經再唔係你嘅日常 之後都唔會再係咁 冇得再練完興致勃勃同班friend去食晚餐 冇得再「下年再嚟過啦 我哋一定可以更好」 喺嗰一刻青春嘅消逝係幾咁實在 有過差一啲成功嘅悔恨 亦都有過滿意成績嘅確幸 呢一切喺呢間學校發生同埋給予我嘅嘢 無論係同朋友嬉鬧嘅點滴 定係每一個同戰友們奮鬥嘅黃昏同夜晚 將來睇返 唔會係追憶往事嘅愁緒或後悔 而係甜絲絲咁細味回憶嘅慶幸同感恩