話說有一晚我喺天橋落樓梯既時候 見到有個細路目測5歲到 將箱形手拉車既扶手掛喺頸後 箱喺前面 一仆一拐咁向上行 身邊無大人 我急步走落樓梯問個細路 我：「你daddy mammy呢?」 佢：「😶」 我：「你咁樣好危險嫁，嗰到有𨋢搭，我帶你去搭𨋢啦」 佢：「😶」 我：「我幫你拎上去喇」 佢：「😶」 我：「我地一齊拎上去喇」 佢由頭到尾都無出過聲，無點頭，無擰頭，無反應 我將手拉車既扶手喺佢條頸到套返出嚟 個細路將佢成個人既重量壓喺架手拉車上 我等於單手拎起個細路行咗30級樓梯 終於上到地面，抖咗一啖大氣 我：「我可唔可以睇吓裡面係咩嚟嫁?」我打算睇下喺邊到買咗野，再去嗰到幫手搵返佢既父母 我揭開蓋既時候，個細路快速冚蓋，我縮手既時候刮損咗 然後，佢拉走架手拉車一支箭咁跑走咗 有一個工人姐姐，低頭㩒緊電話，大約距離我100米到，個細路跑咗去佢身邊 我正諗住行過去，提醒工人姐姐，唔好俾小朋友離開自己視線範圍 最後，還是轉身離開，因為我已經完成了幫他安全地找回大人的任務了 之後，確保小朋友安全是他大人的事