開左學差不多3個月，我相信K2 小朋友嘅家長都面對緊嘅問題，就係小朋友要寫字，我作為一個多年教K2嘅先生，我係深深明白係真心攰嘅，好似英文字母咁，雖然有4條線比佢地睇住，仲會印埋點點，佢地都係寫到亂哂籠。 小朋友寫英文字母最大嘅困難除左因為小手肌未夠力同靈活度未夠，而造成嘅字體歪斜、出界外，仲有一個最基礎嘅問題就係佢地唔知道個字應該寫係邊。例如小階a要寫係第二格，小階b、g佔兩格，但小階b係上兩層，小階g就下兩層等。 呢種情況可能會較常出現係空間感、觀察力或者專注力較弱嘅時小朋友身上，可能亦有人會疑問，唔係有點點比佢跟住就得啦咩，而事實上，大部分小朋友都係麻目跟住個點，無思考，亦唔會諗呢一筆要係呢度，戈一筆要係戈度，所以今日就同大家分享一啲教小朋友寫小階英文字母嘅方法。